wd wp Пошук: ⬜

Франц Аляксеевіч Рубо

Франц Аляксеевіч Рубо (17 чэрвеня 1856 — 13 сакавіка 1928) — расійскі мастак-панараміст, аўтар палотнаў «Абарона Севастопаля», «Барадзінская бітва», «Штурм аула Ахульга».

Біяграфія

Нарадзіўся ў Адэсе ў сям’і французскага камерсанта, які ўгрунтаваўся ў Расіі. Вучыўся ў Адэскай малявальнай школе (1865—1877), а ў 1878—1883 — у мюнхенскай Акадэміі мастацтваў. Спецыялізаваўся ў батальным жывапісе, адначасова (як і шматлікія баталісты таго часу) звярнуўшыся да мастацтва шырокаахопных панарам, якія даюць, дзякуючы спалучэнню карціны з трохмерным макетам, ілюзію гістарычнай падзеі, якая праходзіць на вачах у гледача.

Пасля вяртання ў Расію атрымаў ад тыфліскага музея «Храм Славы» замову на серыю карцін з гісторыі каўказскіх войнаў. Апроч гэтых карцін (напісаных у 1885—1895) маштабным вынікам яго каўказскіх эцюдаў з’явілася панарама Штурм аўла Ахульга (1890), упершыню паказаная на мастацка-прамысловай выставе ў Ніжнім Ноўгарадзе (1896 — захаваліся толькі асобныя яе фрагменты, размешчаныя цяпер у краязнаўчым музеі Махачкалы). У 1902—1904 пад яго пачаткам у прадмесце Мюнхена групай нямецкіх мастакоў была створаная панарама Абарона Севастопаля, адкрытая ў 1905 у Севастопалі ў збудаваным для яе будынку. Іншы вядомай яго панарамай стала Барадзінская бітва. Праца над ёй ішла ў тых жа ўмовах, пры ўдзеле І. Г. Мясаедава і кансультанта Б. М. Калюбакіна (была адкрыта ў 1912 у адмысловым павільёне на Чыстых прудах у Маскве; пасля працяглай рэстаўрацыі яе ўзнавілі ў 1962 у новым будынку на Кутузаўскім праспекце). Сярод характэрных батальных палотнаў Рубо — Атака Навачаркаскага палка ў баю на рацэ Шаху (1907) і Барадзінскі бой (1913; абедзве — у Артылерыйскім гістарычным музеі, Пецярбург).

З 1903 — прафесар-кіраўнік батальнай майстэрні пецярбургскай Акадэміі мастацтваў (сярод яго вучняў быў М. Б. Грэкаў). У 1912 канчаткова з’ехаў ў Германію. Не маючы ў апошнія гады значных замоў, жыл амаль у поўным забыцці.

Зноскі

↑ http://www.hrono.ru/biograf/bio_r/rubo.html
↑ Рубо Франц Алексеевич // Большая российская энциклопедия — Большая российская энциклопедия, 2004. — ISBN 978-5-85270-320-0 Праверана 10 кастрычніка 2019.
↑ Franz Alekseevich Roubaud

Спасылкі

Панарама «Барадзінская бітва» Архівавана 27 верасня 2007.
Галерэя Ф. А. Рубо в музее-панораме «Барадзінская бітва» Архівавана 27 верасня 2007.