Тэатр Марцэла (лац.: Theatrum Marcelli, італ.: Teatro di Marcello) — тэатр каля правага берага Тыбра ў Рыме, будаўніцтва якога было задумана Юліем Цэзарам, а ажыццёўлена Актавіянам Аўгустам, які ў 12 г. да н.э. прысвяціў яго памяці свайго памерлага пляменніка Марка Клаўдзія Марцэла. Пры дыяметры ў 111 метраў тэатр мог змясціць 11 тысяч гледачоў. У Сярэднявеччы будынак быў перабудаваны ў крэпасць, над якой быў надбудаваны палац знатнага сямейства Арсіні. Побач з руінамі тэатра захаваўся антычны порцік Актавіі.