У гэтага паняцця ёсць і іншыя значэнні, гл. Партыя рэгіёнаў.
Партыя рэгіёнаў (ПР) — украінская палітычная партыя, створана 26 кастрычніка 1997 года. Удзельнічала ва ўкраінскіх парламенцкіх выбарах 1998 пад назвай Партыя рэгіянальнага адраджэння Украіны. Была рэфармавана ў канцы 2001-га, калі партыя аб’ядналася з некалькімі іншымі. Лідарам партыі з’яўляецца прэм’ер-міністр Украіны Мікалай Азараў.
Да лістапада 2004 года партыя падтрымлівала прэзідэнта Леаніда Кучму, падчас парламенцкіх выбараў 30 сакавіка 2002 г. яна далучылася да праўладнай альянсу «За адзіную Ўкраіну». Асноўны электарат Партыі рэгіёнаў, выбарчая і фінансавая базы партыі размешчаны пераважна на ўсходзе і паўднёвым усходзе Украіны, дзе палітычная сіла карыстаецца значнай падтрымкай насельніцтва. Найбольшая падтрымка партыі сярод выбаршчыкаў назіраецца сярод людзей старэйшых за 45 гадоў.