wd wp Пошук: ⬜

Мікалай Гаўрылавіч Шмацько

У Вікіпедыі ёсць артыкулы пра іншых асоб з прозвішчам Шмацько. Мікалай Гаўрылавіч Шмацько (нар. 1943, Данецкая вобласць, УССР) — украінскі скульптар і мастак.

Аўтар больш за 750 помнікаў (барэльефы, гарэльефы, скульптуры) і каля 500 карцін. Аўтарская калекцыя, якая экспануецца ў галерэі «Шмацько і сыны», налічвае больш за 70 скульптур з уральскага і італьянскага мармуру і каля 300 карцін (жывапіс, графіка) У 2000 г. прызначаны на пасаду прафесара кафедры мастацкай творчасці і мастацтваў Маскоўскага інстытута сусветных цывілізацый.

У 2004 г. М. Г. Шмацько было даручана стварыць мармуровую скульптуру Багародзіцы для Святагорскай Лаўры (Данецкая вобласць). Восенню 2004 г. адбылося адкрыццё Лаўры і ўстаноўка скульптуры Багародзіцы вышынёй 4,2 м (скульптура высечаная з 2 блокаў уральскага мармуру вагою 40 тон).

За стварэнне скульптуры Святагорскай Багародзіцы ўзнагароджаны Блажэннейшым Мітрапалітам Кіеўскім і ўсяе Украіны Уладзімірам ордэнам Нестара-летапісца III ступені.

Восенню 2005 г. адбылося адкрыццё адбудаванай Успенскай царквы ў сяле Келеберда Палтаўскай вобласці, дзе ўстаноўлена скульптура «Укрыжаванне Хрыста».

Выстаўкі

1985—1991: галерея «Шмацько і сыны», Болград, Адэская вобласць
1991—2003: галерэя «Шмацько і сыны», Чырвоны Луч, Луганская вобласць
1992: Луганск
1993: Кіеў
2000: Маскоўскі інстытут сусветных цывілізацый, Масква
2003: Данецк
2003—2004: галерэя «Шмацько і сыны», Славянск, Данецкая вобласць
2004—2010: галерэя «Шмацько і сыны», Луганск
2007: Біенале 2007, Фларэнцыя, Італія
2009: Біенале 2009, Фларэнцыя, Італія
2012: Арт-Манака 2012, Манака, Францыя

Творы захоўваюцца ў музеях

Сошенко Іван Максімавіч (скульптар Мікалай ШМАЦЬКО)

Бюст Сошенко Івана Максімавіча (скульптар Мікалай ШМАЦЬКО), захоўвацца ў музеі Тараса Рыгоравіча Шаўчэнкі ў Акадэміі мастацтваў, (Санкт-Пецярбург).

Зноскі

↑ https://vesti.ua/strana/syn-umershego-hudozhnika-shmatko-ne-znaet-gde-pohoronit-ottsa

Спасылкі