Медэльін (ісп.: Medellín) — другі па значнасці горад Калумбіі. Сталіца дэпартамента Антыёкія, быў заснаваны ў 1616 годзе на беразе аднайменнай ракі як шахцёрскі гарадок Сан-Ларэнса-дэ-Абура, з 1675 г. — Вілья-дэ-Нуэстра-Сеньёра-дэ-ла-Кандэларыя-дэ-Медэльін.
Вышыня над узроўнем мора — 1538 м.
Насельніцтва — 2,4 млн чалавек.
Асноўная прамысловасць — чорная металургія, тэкстыльная.
Медэльін называюць «Прамысловай сталіцай Калумбіі», акрамя таго горад носіць мянушкі «Горад Вечнай Вясны», «Сталіца гор», «Горад кветак», «Сталіца архідэі», «Выдатная Вёска», «Срэбраны Кубачак».