Мальхер Шэмет, Мельхіёр Шэмет (? — 1570) — дзяржаўны дзеяч Вялікага Княства Літоўскага.
Быў падстаростам жамойцкім, цівун рэтаўскі з 1548, бяржанскі ў 1550, староста дынабургскі ў 1560, кашталян жамойцкі з 1566.
Сын Станіслава Шэмета і Ганны Кезгайлы.
Быў жанаты з Альжбетай Глябовіч, дачкой віленскага ваяводы Яна Глябовіча. Меў сыноў Вацлава, кашталяна смаленскага, Мальхера, падкаморага віленскага і Яна, старосту батоцкага. Дачка Крысціна выйшла замуж за Войцеха Білевіча.