МАЗ-103Т — 12-метровы нізкападлогавы тралейбус для гарадскіх перавозак, серыйна выпускаецца невялікімі партыямі на Мінскім аўтамабільным заводзе. Канструкцыя тралейбуса максімальна ўніфікаваная з аўтобусам МАЗ-103 па кузаве, сістэмах хадавой часткі, рулявым кіраванні і тармазной сістэме. Цягавы рухавік размешчаны ў заднім куце па левым борце.
Першы тралейбус на базе кузава МАЗ-103 быў спраектаваны ў 1999 годзе. У 2000 годзе ён ужо працаваў на лініі[1].
У далейшым МАЗ-103Т стаў пастаўляцца ў выглядзе машынакамлекта, на базе якога ажыццяўлялася канчатковая зборка. МАЗ-103Т і аналагі эксплуатуюцца ў гарадах Беларусі, Латвіі, Малдовы, Расіі, Украіны і Венгрыі.