Гемімерыды (Hemimeridae) — сямейства насякомых з няпоўным ператварэннем (геміметабалія).
Блізкія да скурыстакрылых і разглядаюцца часам як іх падатрад. Цела крыху сплошчанае; даўжыня 8-14 мм; крылы адсутнічаюць, вусікі і ногі кароткія, вачэй няма; ротавыя органы грызучыя. Два роды. Гемімерыды распаўсюджаныя ў Экватарыяльнай Афрыцы. Вонкавыя паразіты грызуноў з роду Cricetomys, жывуць у валасяным покрыве; сілкуюцца, верагодна, вытворнымі скурнага эпідэрмісу жывёлы-гаспадара.