Вярхоўны Народны Сход (кар.: 최고인민회의) — вышэйшы заканадаўчы і прадстаўнічы орган Паўночнай Карэі. Складаецца з 687 членаў, якія выбіраюцца кожныя 5 гадоў на безальтэрнатыўнай аснове. З’езды праводзяцца двойчы ў год па некалькі дзён. Заканадаўчыя функцыі ў перыяд паміж з’ездамі выконваюцца Прэзідыумам Народнага Сходу, які выбіраецца яго членамі. Старшыня Прэзідыума фармальна з’яўляецца кіраўніком дзяржавы.