Вярблюдкі (Raphidioptera) — атрад насякомых.
Даўжыня 15—20 мм. Сілуэт пярэдняй часткі цела ў профіль нагадвае галаву і цела вярблюда (адсюль назва). Дзве пары празрыстых крылаў, у спакоі складваюцца стрэхападобна, заднія вуэейшыя і карацейшыя за пярэднія. Ротавыя органы грызучыя, вусікі шматчленікавыя. Брушка падоўжанае, у самкі з доўгім яйцакладам.
Развіццё з поўным ператварэннем. Лічынкі развіваювда 2 гады. Кукалкі рухомыя. Лічынкі жывуць у шчылінах і пад карой дрэў, дарослыя — на дрэвах.
Выдзяляецца 2 сучасных сямействы, каля 100 відаў. Пашыраны ў Паўночным паўшар’і. На Беларусі ў вільготных лясах распаўсюджаны вярблюдка танкавусая (Raphidia ophiopsis) і бязвочка таўставусая (Inocellia crassicornis).
Вярблюдкі і іх лічынкі знішчаюць насякомых, асабліва тлей і вусеняў.