Блохі[1] , адз.л.: блыха (лац. Siphonaptera — стар.-грэч. Σίφων — помпа, ἄπτερον — бяскрылыя. сінонімы лац. Suctoria, лац. Aphaniptera) — атрад кровасмактальных насякомых з поўным ператварэннем, нярэдка з’яўляюцца пераносчыкамі розных узбуджальнікаў хвароб чалавека і жывёл. Блохі другасна бяскрылыя. Яны цалкам страцілі крылы ў працэсе прыстасавання да эктапаразітызму ў імагінальнай фазе. Блохі валодаюць вузкаспецыялізаваным ротавым апаратам, прызначаным для праколвання пакроваў гаспадара і насмоктвання крыві. Вядома больш 2380 відаў блох. Атрад ўключае больш за 200 родаў, якія аб’ядноўваюцца ў 15 сямействаў.