Беларуская сацыяльна-спартыўная партыя (БССП), праўрадавая палітычная партыя дэмакратычнага кірунку. Створана 6 лістапада 1994. Кіруючы орган паміж з’ездамі — Савет партыі. Старшыня партыі — Уладзімір Аляксандравіч Александровіч. Колькасць членаў на 1 лютага 2002 складала 1060; у 2003 — 1448 чал.
6 лістапада 1994 г. адбыўся Устаноўчы сход партыі, якая была зарэгістравана Міністэрствам юстыцыі Рэспублікі Беларусь 9 снежня 1994 г.(рэгістрацыйнае пасведчанне № 003), перарэгістраваная 13 верасня 1999 (рэгістрацыйнае сведчанне № 012).
На парламенцкіх выбарах партыя не вылучала кандыдатаў па партыйных спісах, а толькі шляхам збору подпісаў.
На парламенцкіх выбарах у Вярхоўны Савет 13-га склікання партыя атрымала адзін дэпутацкі мандат. На парламенцкіх выбарах у Палату прадстаўнікоў Нацыянальнага сходу Рэспублікі Беларусь II-га склікання ад БССП выйграў выбары толькі старшыня партыі У. А. Александровіч, які быў абраны ў першым туры 15 кастрычніка 2000 г. ад Мендзялееўскай выбарчай акругі г. Мінск.
У 2015 г. намеснік старшыні партыі Алена Клюйкова пацвердзіла, што партыя свядома не вылучае кандыдатаў на парламенцкіх выбарах, бо «праца ў парламенце прадугледжвае адмову ад асноўнай дзейнасці»[1].
Асноўныя мэты — аб’яднанне прагрэсіўных сіл Беларусі для сацыяльнай абароны ўсіх пластоў насельніцтва пры пераходзее да рыначных адносін, рэфармаванне Беларусі ў дэмакратычную, экаамічна моцную, незалежную і гуманую дзяржаву праз удасканаленне грамадскіх формаў і адносін. Выступае за ўкараненне альтэрнатыўных формаў адукацыі і фізічнага выхавання, адраджэнне нацыянальнай культуры, рэалізацыю законаў аб моладзі і спорце, прыярытэтнае фінансаванне аховы здароўя, спорту, асветы, змену сістэмы падаткаабкладання і іншае. Лозунг: «Здароўе народа — дабрабыт дзяржавы».
| Выбары | Колькасць галасоў | % | Мандаты | +/- | Змена |
|---|---|---|---|---|---|
| 1995 | 1 / 260 |
1 | ▲1 | ||
| 2000 | 1 / 110 |
1 | — | ||
| 2004 | 0 / 110 |
0 | ▼ 1 | ||
| 2008 | 0 / 110 |
0 | — | ||
| 2012 | 0 / 110 |
0 | — | ||
| 2016 | 0 / 110 |
0 | — | ||
| 2019 | 0 / 110 |
| Выбары | Колькасць галасоў | % | Мандаты | +/- | Змена |
|---|---|---|---|---|---|
| 1995 | 0 / 28244 |
0 | 0 | ||
| 1999 | 0 / 24557 |
0 | 0 | ||
| 2003 | 1 / 23469 |
1 | ▲ 1 | ||
| 2007 | 1 / 22639 |
1 | — | ||
| 2010 | 2 / 21288 |
2 | ▲ 1 | ||
| 2014 | 2 / 18816 |
2 | — | ||
| 2018 | 4 / 18110 |
4 | ▲ 2 |