wd wp Пошук: ⬜

Salutaris

Salutaris (ад лац. дабратворны, выратавальны, дасканалы) — беларускі змешаны аматарскі камерны хор, заснаваны ў 2007 годзе ў Мінску. Заснавальнік і мастацкі кіраўнік — Вольга Янум.

Рэпертуар калектыва дастаткова разнастайны: хор выконвае творы розных напрамкаў, як свецкую, так і класічную духоўную музыку.

Salutaris з’яўляецца частым удзельнікам музычных фестываляў, пераможцам музычных конкурсаў, геаграфія якіх распасціраецца на 19 краін свету.

Дасягненні

• май 2009 — Гран-Пры на Х Фестывалі праваслаўных песнапенняў у Мінску.
• май 2010 г. — пераможца конкурсу на Міжнародным фестывалі праваслаўнай духоўнай музыкі «Hajnówka 2010» у Польшчы.
• верасень 2011 — перамога ў конкурсе падчас фестывалю ‘Mokranjčevi dani’, які праходзіў у Негаціне, у Сербіі.
• 2012 г. — відэакліп хору атрымаў I прыз у фестывалі кароткаметражнага кіно «Кінаvarka» — 2012.
• 2013 г. — прыз «Lady Dorothy Mayer Trophy» у адным з самых прэстыжных харавых фестываляў Ірландыі «59 International Cork Choral Festival» за лепшае выкананне твора («Госцік» А. Саўрыцкі).
• 2014 г. — удзел у фестывалях: духоўнай музыкі «Virgo Lauretana» у Ларэта, Італія, у канцы траўня — фестываль «Voix du monde» у Нансі, Францыя.
• 2015 г. — лепшы калектыў на фестывалі моладзевых хораў «Папараць-кветка» ў Мінску. Дыплом у намінацыі «Лепшыя салісты» і «Лепшы твор форуму» маладога кампазітара, удзельніка Salutaris Анастасіі Бэндэрскай «Дабранач», які быў напісаны спецыяльна для хору. У канцы кастрычніка таго ж году хор атрымаў III прыз у міжнародным конкурсе City of Derry International Choral Festival « у горадзе Дэры ў Паўночнай Ірландыі.
• кастрычнік 2016 г. — Salutaris атрымаў Гран пры XI Міжнароднага фестывалю» Jesien Choralna «у г. Рыбнік у Польшчы і ўзнагароды ў намінацыях» Лепшы твор форуму “(«Rivers of Light» e. Esenvalds) і «лепшы дырыжор» (Вольга Янум).
• 2017 г. — удзел у прэстыжным конкурсе харавога мастацтва ў Аўстрыі «54 Internationaler Chorwettbewerb Spittal an der Drau», дзе быў узнагароджаны прызам Гюнтэра Мітэрграднегера (Günther Mittergradnegger Preis) за лепшую інтэрпрэтацыю сучаснага твора на конкурсе («Госцік» — Андрэй Саўрыцкі).
• 2018 г. — атрымаў перамогу ў катэгорыі «Folklore, Spiritual & Jazz» XII Міжнароднага харавога конкурсу ў горадзе Мільтэнберг (Баварыя).

Канцэрты

Адметная рыса перформансаў Salutaris — у іх часта яркім тэатральным складніку, у чым хору дапамагае супрацоўніцтва з танцавальным калектывам Альтана (мастацкі кіраўнік Ганна Корзік), салісткай этна-эмбіент трыа Dzivasil Інай Перасецкай-Малаковіч, і іншымі творчымі калектывамі і выканаўцамі.

Удзельнікі хору на канцэртах выступаюць у своеасаблівых касцюмах, дызайн якіх распрацаваў арт-дырэктар хору Усевалад Швайба.

Дыскаграфія

За гады існавання хор выпусціў два альбомы: першы — «Туман Ярам», разам з беларускім кампазітарам Андрэем Саўрыцкім, дзе сабраныя сучасныя харавыя апрацоўкі беларускіх народных песень. Другі альбом, «Соль Зямлі», стаў пераможцам праекту Social Weekend, за наданне падтрымкі маладым кампазітарам Беларусі ў напісанні харавой музыкі, захаванні традыцый беларускай харавой музыкі агулам.

Відэаграфія

Яшчэ адна адметная рыса хору — стварэнне ўласных відэакліпаў, рэжысёрам якіх з’яўляецца ўдзельнік Дзяніс Жыгуноў, а таксама уласны архіў жывых выступаў.

Спасылкі

• Афіцыйны сайт Архівавана 15 сакавіка 2019.
• Salutaris на сайце hor.by (руск.)

Тэмы гэтай старонкі (3):
Катэгорыя·Вікіпедыя·Ізаляваныя артыкулы/сірата0
Катэгорыя·Музычныя калектывы, якія з’явіліся ў 2007 годзе
Катэгорыя·Хоры Беларусі