RCS (Revision Control System) з’яўляецца адной з самых першых (распрацавана ў 1985 годзе) сістэм кіравання версіямі. Для кожнага файла,зарэгістраванага ў сістэме, яна захоўвае поўную гісторыю зменаў, прычым для тэкставых файлаў выкарыстоўваецца эфектыўна алгарытм дэльта-кампрэсіі, калі захоўваецца толькі апошняя версія і ўсе межверсійныя змены. Сістэма дазваляе таксама захоўваць версіі бінарных файлаў, але без ужывання гэтага механізма, гэта значыць кожная версія бінарнага файла захоўваецца цалкам.
RCS распрацавана ў 1980-х гадах Уолтэрам Цішы з Універсітэта Перд’ю як вольная і больш развітая альтэрнатыва папулярнай тады Source Code Control System (SCCS). У цяперашні час, з’яўляецца часткай Праекта GNU, аднак усё яшчэ падтрымліваецца Універсітэтам Перд’ю.
RCS не мае сродкаў для калектыўнай працы над наборам файлаў — гэтыя сродкі з’явіліся ў сістэме-нашчадку — CVS, якая ўжывае фарматы і алгарытмы RCS для ўліку версій, але мае таксама інтэрфейсы для калектыўнай працы.
Адсутнасць калектыўнай працы на практыцы выглядае так, што толькі той карыстальнік, які зрабіў дзеянне «Lock» над файлам ці файламі, можа ажыццяўляць змены. Іншыя карыстальнікі запытаць гэтыя ж файлы на рэдагаванне не могуць, пакуль першы карыстальнік не скончыць з імі працу.
Некаторыя Wiki-рухавікі, напрыклад TWiki, ужываюць RCS для захоўвання старонак.