«Peninsular and Oriental Steam Navigation Company» (скар. P&O) — былая брытанская транспартная кампанія, гісторыя якой пачынаецца з пачатку XIX стагоддзя.
У сакавіку 2006 года была набыта за 3,9 млрд фунтаў стэрлінгаў кампаніяй «Dubai Ports World» і стала яе даччыным таварыствам. Нягледзячы на гэта брэнд P&O быў захаваны. Штаб-кватэра кампаніі размяшчалася ў Лондане, Вялікабрытанія. Яе акцыі гандляваліся на Лонданскай фондавай біржы і ўваходзілі ў базу разліку індэкса FTSE 100.