Nemacheilus — род рыб сямейства Balitoridae атрада карпападобных (Cypriniformes).
Даўжыня да 25 см, маса да 100 г. Цела голае або ўкрытае дробнай луской. Афарбоўха бурая, карычнявата-шэрая з больш цёмнымі плямамі.
Вядома больш за 100 відаў. Пашыраны ў Сярэдняй і Паўночнай Еўропе, Азіі, Афрыцы (1 від). Жывуць у невялікіх рэках, ручаях, у падземных водах, на вышыні больш за 4000 м.
Кормяцца беспазваночнымі, ікрой, водарасцямі.