Múm ([muːm]) — эксперыментальны музычны гурт з Ісландыі, музыка якога характарызуецца мяккім вакалам, glitch-бітам і эфектамі ў спалучэнні з традыцыйнымі і нетрадыцыйнысм музычнымі інструментамі. Таксама яны вядомыя сваімі кароткімі сціслымі рэміксамі песень.
Гурт быў сфармаваны ў 1997 годзе. Заснавальнікамі гурта былі Gunnar Örn Tynes, Örvar Þóreyjarson Smárason, і дзве сястры, Gyða і Kristín Anna Valtýsdóttir. Паводле словаў Kristín, назва гурта зусім нічога не азначае. У 2002 Gyða пакінула гурт. У пчатку 2006 года Kristín таксама сышла, аднак пра гэта не было афіцыйных звестак да 23 лістапада 2006.
Нягледзячы на сыход з гурта некаторых заснавальнікаў, Múm засталіся разам. Іх чацвёрты альбом «Go Go Smear the Poison Ivy» быў запісаны ў 2006 годзе і выйшаў 24 верасня 2007 года. Альбому папярэднічаў сінгл «They Made Frogs Smoke ‘Til They Exploded», які выйшаў 27 жніўня 2007.