Паравоз Mallard № 4468 Лондан-Паўночна-Усходняй чыгункі класа A4 4-6-2 Pacific — хуткасны паравоз, пабудаваны ў Данкастэры (Англія) у 1938 годзе.
Mallard быў распрацаваны сэрам Найджэлам Грэйслі ў якасці лакаматыва, спецыяльна прызначанага для руху хуткасных цягнікоў. Абводы яго абцякальніка былі правераны ў аэрадынамічнай трубе на хуткасцях звыш 100 міль у гадзіну (160 км/г). Mallard выкарыстоўваўся ў цягніковай працы да сваёй адстаўкі ў 1963 годзе. За час эксплуатацыі ён прайшоў амаль паўтары мільёны міль (2,4 мільёна кіламетраў).
У 1980-х гадах Mallard быў адноўлены да працоўнага стану, але выкарыстоўваўся толькі для руху некалькіх экскурсійных цягнікоў паміж Ёркам і Скарбара ў ліпені 1986 года і пары прабегаў паміж Ёркам і Харагейтам / Лідс на Вялікдзень ў 1987 годзе. Mallard з’яўляецца адзіным пакінутым паравозам тыпу A4, выфарбаваным у фірмовыя колеры LNER і адноўленымі ў першапачатковым стане бакавымі абцякальнікамі (хоць рэплікі A4 таксама маюць бакавыя абцякальнікі).
У цяперашні час Mallard з’яўляецца часткай Нацыянальнай Калекцыі ў Нацыянальным Чыгуначным Музеі Злучанага Каралеўства ў Ёрку.
Лакаматыў разам з тэндарам мае даўжыню 70 футаў і важыць 165 імперскіх тон. Ён афарбаваны ў колеры LNER - блакітны корпус, чырвоныя колы і дышаль сталёвага колеру.
| Назва | Mallard |
| Сілавая устаноўка | Паравая (простая) |
| Каляя | 1435 |
| Клас | LNER Class A4 |
| Колавая формула | 4-6-2 (2-3-1) |
| Канструктар | Сэр Найджэл Грэслі |
| Дата спісанн | 25 апреля 1963 |
| Адноўлены | 1986 - 1988 |
| Даўжыня | 70 футаў |
| Маса | 102.95 імперскіх тон |
| Маса тэндара | 165 імперскіх тон |
| Завод | Лондан-Паўночна-Усходняя Чыгунка (LNER Doncaster) |
| Нумар | 1870 |
| Дата пабудовы | 3 сакавіка 1938 |
| Макс. хуткасць | 126 міль у гадзіну |