Kultura — польскі эмігранцкі штомесячны часопіс, што выдаваўся ў 1947—2000 гадах. Стаў культурна-палітычным цэнтрам для польскай эміграцыі пасля Другой сусветнай вайны з вялікім уплывам на Народную Польшчу.
Часопіс выдаваўся спачатку ў Рыме, а пасля ў Парыжы. Заснавальнікам і галоўным рэдактарам быў Ежы Гедройц. У выданні друкаваліся палемічныя артыкулы Нобелеўскіх лаўратаў Чэслава Мілаша і Віславы Шымборскай, а таксама іншых польскіх інтэлектуалаў, такіх як Вітальд Гамбровіч, Марак Хласка, Юзаф Чапскі, Анджэй Бабкоўскі, Анджэй Хцюк і інш.