Glires — таксон (grandorder), у які аб’ядноўваюць атрады грызуноў (Rodentia) і зайцападобных (Lagomorpha). Першапачаткова Glires быў атрадам, да якога адносілі абедзве групы. З часам, гэта канцэпцыя была цалкам адпрэчана, хоць блізкае сваяцтва паміж грызунамі і зайцападобнымі не аспрэчваецца. Па прыкметах, якія маюцца толькі ў зайцападобных, іх манафілія лічыцца добра даказанай, а незалежная на працягу больш за 70 мільёнаў гадоў эвалюцыйная гісторыя апраўдвае іх класіфікацыю як асобны атрад. Іншыя ж прыкметы, такія як разцы, з’яўляюцца следствам наяўнасці агульных продкаў з грызунамі, з-за чаго таксон Glires быў захаваны.
Glires утвараюць разам з групай Euarchonta, да якой адносяцца Scandentia, прыматы (Primates) і Dermoptera, надатрад Euarchontoglires. Эвалюцыйна-генетычныя адносіны ўнутры апошніх выглядаюць наступным чынам:
──[Euarchontoglires](/Euarchontoglires "Euarchontoglires")
├──[Euarchonta](/Euarchonta "Euarchonta")
│ ├──[Scandentia](/Scandentia "Scandentia")
│ └──[Прыматаморфы](/Прыматаморфы "Прыматаморфы") (*Primatomorpha*)
│ ├──[Dermoptera](/Dermoptera "Dermoptera")
│ └──[Прыматы](/Прыматы "Прыматы") (*Primates*)
│
└──**Glires**
├──[Зайцападобныя](/Зайцападобныя "Зайцападобныя") (*Lagomorpha*)
└──[Грызуны](/Грызуны "Грызуны") (*Rodentia*)