Druva — другі альбом беларускага гурта Osimira, які адрозніваецца ад першага больш архаічным гучаннем і мелодыкай.
Праца над дыскам доўжылася 4 гады. У запісы бралі ўдзел музыкі з розных рэгіёнаў Беларусі. Некаторая частка музычнага матэрыялу знойдзена і запісана ў экспедыцыях па беларускіх вёсках.
28 лютага 2008 года, у канцэртнай зале «Мінск», на цырымоніі ўзнагароджання прэміі “Рок-каранацыя'2007” альбом названы лепшым дыскам у намінацыі “Традыцыi i сучаснасць”.