A.L.F.A 24 HP — першы аўтамабіль італьянскага вытворцы ALFA, які цяпер вядомы як Alfa Romeo. Аўтамабіль выйшаў на аўтамабільны рынак у 1910 годзе і выпускаўся да 1913 года.
Аўтамабіль быў спраектаваны і зроблены пад кіраўніцтвам Джузэпэ Мэрозі (італ.: Giuseppe Merosi). Кузаў Torpedo быў распрацаваны атэлье Castagna.
Мадэль 24 HP абсталявалі монаблокавым 4-цыліндравым рухавіком аб’ёмам 4089 см³. Рухавік размяшчаўся спераду і меў 8 клапанаў. Сілавы агрэгат выдаваў 42 конскіх сілы пры 2200 аб/хв. Альфа 24HP валодала інавацыйнай на той час карданнай трансмісіяй, якая забяспечвала машыне выдатную хуткасць і манеўранасць.
A.L.F.A 24 HP стала штуршком да зараджэння шэрагу новых, больш магутных і тэхнічна прасунутых мадэляў (A.L.F.A 15 HP Corsa, 15/20HP і інш.), аднак сапраўдны фінансавы поспех Альфе прынесла мадэль 12 HP. Гэтая машына шмат у чым паўтарала A.L.F.A 24 HP, але была больш простай канструктыўна і менш магутнай.
![]() |
A.L.F.A 24 HP на Вікісховішчы |
---|