У Вікіпедыі ёсць артыкулы пра іншых асоб з прозвішчам Масейс.
Ян Масейс (Jan Massys, Matsys або Metsys; каля 1509, Антверпен — 1575, там жа) — фламандскі мастак-маньерыст.
Сын Квенціна Масейса, вучыўся жывапісу ў бацькі. Вымушаны пакінуць радзіму з-за пераследу інквізіцыі, Ян Масейс у 1550 годзе пасяляецца ў Генуі, дзе становіцца прыдворным мастаком адмірала Андрэа Дорыя. Самай вядомай працай Яна Масейса з’яўляецца «Лот і яго дачкі», якая захоўваецца ў Каралеўскіх музеях прыгожых мастацтваў у Бруселі.