Ян Карнеліс Верспронк (нідэрл. Johannes Cornelisz Verspronck; нар. у 1597 (ці ў 1600/1603 гг.), Харлем — пахаваны 30 чэрвеня 1662 года, Харлем) — галандскі мастак часоў Залатога веку галандскага жывапісу.
Верспронк усё сваё жыццё правёў у родным Харлеме. Нарадзіўся ў сям’і мастака Карнеліса Энгельсзона з горада Гаўда; у бацькі і вучыўся партрэтнага жывапісу. З 1632 года ён — член харлемскай гільдыі Святога Лукі і з гэтага моманту пачалася кар’ера Верспронка як партрэтыста сярод жыхароў Харлема. Адмысловая цікавасць у замоўцаў, у першую чаргу ў жанчын, выклікала найдакладны і майстэрскі малюнак Верспронкам розных дробязяў на яго карцінах — каштоўнасцяў, кветак, тканін. У 1642 годзе ён напісаў групавы партрэт жанчын, якія ўзначальвалі камісію дабрачыннага таварыства Святога Духа («Heilige Geesthuis»), якія засядаюць за вялікім дарадчым сталом.
За гады сваёй дзейнасці Верспронк стварыў больш за 100 карцін. Адна з іх, «Дзяўчынка ў блакітнай сукенцы», упрыгожвала галандскую банкноту вартасцю ў 25 гульдэнаў, выпушчаную ў абарачэнне ў верасні 1945 года. Партрэт амстэрдамскага гандляра Жана ле Гоша (1632) набыў Герман Герынг для сваёй калекцыі. Цяпер месцазнаходжанне карціны невядома. У 1945 годзе ў Берліне быў знішчаны пры пажары «Партрэт маладой жанчыны» працы Верспронка.