Юрый Канстанцінавіч Мільтнер (10 верасня 1935, Матусаў — 11 студзеня 2022, Мiнск) — савецкі і беларускі кінааператар мультыплікацыйных фільмаў кінастудыі «Беларусьфільм».
Нарадзіўся ў 1935 годзе ў вёсцы Матусаў. На кінастудыю «Беларусьфільм» прыйшоў у 1960 годзе, у цэх камбінаваных здымак, дзе працаваў да 1977 года. У 1977 годзе перайшоў працаваць у майстэрню мультыплікацыйных фільмаў кінааператарам.