У Вікіпедыі ёсць артыкулы пра іншых асоб з прозвішчам Ясінскі. Юзаф Ясінскі (2-я палова XVIII стагоддзя — 1833) — медык, антраполаг[1].
Скончыў медыцынскую школу ў Гродне, Віленскі ўніверсітэт у 1789 годзе, атрымаў ступень доктара філасофіі, медыцыны і хірургіі[1].
Працаваў урачом у магнацкім доме Абуховічаў, потым у Навагрудку[1].
У 1810 напісаў кнігу «Антрапалогія пра фізічныя і маральныя ўласцівасці чалавека» (апублікавана ў 1818 у Вільне на польскай мове). Адзін з першых антраполагаў у Беларусі, упершыню выклаў задачы і сутнасць антрапалогіі як вучэння пра чалавека ў цэлым з прыцягваннем дадзеных анатоміі, фізіялогіі, медыцыны, філасофіі. Староннік віленскай эвалюцыйнай школы[1].