wd wp Пошук: ⬜

Юзаф Манюшка

У Вікіпедыі ёсць артыкулы пра іншых асоб з прозвішчам Манюшка. Юзаф Станіслававіч Манюшка (1789—1840) — дзяржаўны служачы.

Біяграфія

Прадстаўнік старажытнага беларускага шляхецкага роду Манюшкаў герба «Крыўда», сын Станіслава (1734—1807) і Евы з Вайніловічаў. Меў братоў Казіміра (1795—1836), Ігнацыя (1787—1869), Дамініка (1788—1848), Аляксандра (1801—1836), камер-юнкера.

У 1820 г. — барысаўскі харунжы. Лічыўся ў акрузе «вольнадумцам», на любіцельскія спектаклі запрашаў не толькі памешчыкаў, але і сялян; сядзеў са сваімі падданымі за адным сталом, спяваў беларускія песні.

Член масонскай ложы «Паўночная паходня» ў Мінску, масон 2-й ст. у 1820 годзе.

Літаратура

Швед, В. В. Манюшка Юзэф Станіслававіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.