Юваль Ной Гарары (іўр.: ובל נוח הררי; нар. 24 лютага 1976) — ізраільскі гісторык, прафесар Яўрэйскага універсітэта, публіцыст, адзін з самых вядомых інтэлектуалаў сучаснасці, аўтар сусветных бэстселераў «Sapiens — рэзюмэ гісторыі чалавецтва» і «Нomo Deus». Піша аб пытаннях глабальных праблем будучыні, чалавечай свядомасці, палітыкі і штучнага інтэлекту.
У пачатку сваёй кар’еры спецыялізаваўся на ваеннай гісторыі сярэднявечча, працягваў навучэнне ў Оксфардзе, па вяртанні ў Ізраіль выкладаў на кафедры гісторыі Яўрэйскага ўніверсітэта. З 2004 года рэгулярна выходзяць яго кнігі, якія карыстаюцца шырокай папулярнасцю, у тым ліку сярод масавых чытачоў.