У Вікіпедыі ёсць артыкулы пра іншых асоб з прозвішчам Лесер. Эрык Лесер (нар. 17 мая 1988, Зуль, ГДР) — нямецкі біятланіст, сярэбраны прызёр зімовых Алімпійскіх гульняў 2014 года ў індывідуальнай гонцы. Унук вядомага нямецкага лыжніка Акселя Лесера.
12 сакавіка 2010 года дэбютаваў на этапе Кубка свету ў Кантыялахці ў змешанай эстафеце, дзе разам з Каці Вільхельм, Магдаленай Нойнер і Сімонам Шэмпам стаў другім, саступіўшы толькі камандзе Нарвегіі. Затым прыняў удзел у спрынце (44-е месца) і гонцы пераследу (51-е месца).