Эрфуд (араб. أرفود) — горад на ўсходзе Марока, размешчаны ў аазісе Тафілалет непадалёк ад пяскоў пустыні Сахары. Каардынаты горада 31°26′10″ пн. ш. 4°13′58″ з. д. HGЯO. Насельніцтва складае каля 23 500 жыхароў.
Тут быў апошні раён, заняты французамі, аднак супраціўленне Тафілалецкіх плямёнаў доўжылася да 1932 года. Французы пабудавалі тут адміністрацыйны цэнтр і размясцілі гарнізон.
З-за добрай інфраструктуры і блізкасці пустыні з дзюнамі горад стаў папулярны сярод кінавытворцаў. Тут, у прыватнасці, здымаўся вядомы фільм Мумія (1999).
Горад наведваюць таксама турысты, адсюль рэгулярна арганізуюцца туры да аазіса Эрг-Шэбі непасрэдна ля мяжы пяскоў.