Эрмітажны тэатр — тэатральны будынак у Санкт-Пецярбургу, пабудаваны ў 1783—1787 гадах (фасад быў завершаны ў 1802 годзе) па праекце італьянскага архітэктара Джакама Кварэнгі. Будынак размешчаны на месцы былога Зімняга палаца Пятра I, на рагу Палацавай набярэжнай (дом № 32) і Зімняй канаўкі. Завяршае комплекс пабудоў, якія працягнуліся ўздоўж ракі Нявы і звязаных аркамі і пераходамі ў адно цэлае з Зімнім палацам.