Эмелі (Эміль) Эрнст Вярэ (фінск.: Eemeli (Emil) Ernst Väre; 28 верасня 1885 — 31 студзеня 1974) — вядомы фінскі барэц грэка-рымскага стылю, алімпійскі чэмпіён і чэмпіён свету.
Эміль Вярэ нарадзіўся ў 1885 годзе ў абшчыне Кяркеля. У 1909 годзе выйграў чэмпіянат Фінляндыі, у 1910 годзе заняў на ім трэцяе месца, у 1911 годзе зноў стаў чэмпіёнам Фінляндыі. У 1911 годзе ў Хельсінкі прайшоў чэмпіянат свету па барацьбе, і Эміль Вярэ заняў на ім першае месца ў сваёй вагавой катэгорыі. У 1912 годзе ён заваяваў залатыя медалі Алімпійскіх гульняў у Стакгольме і неафіцыйнага чэмпіянату Еўропы ў Будапешце.
Пасля здабыцця Фінляндыяй незалежнасці Эміль Вярэ, прадстаўляючы ужо дзяржаву Фінляндыя, у 1920 годзе на Алімпійскіх гульнях у Антверпене зноў заваяваў залаты алімпійскі медаль.