Эбі-Нур

Эбі-Нур (кіт. 艾比湖) — рыфтавае возера на паўночным захадзе Кітая каля мяжы з Казахстанам, паблізу паўднёвага ўваходу ў Джунгарскія вароты. З’яўляецца найбуйнейшым возерам і цэнтрам басейна Джунгарскай раўніны, мае плошчу больш за 1 тыс. км², разам з навакольнымі балотамі - 1420 км ². Плошча і ўзровень вады моцна змяняецца (да 800 км ² і на 5 м) у залежнасці ад колькасці вады. У малаводныя гады пясчаная каса вышынёй каля 0,5 м падзяляе возера на 2 вадаёма глыбінёй 2 і 15 м.

У возера ўпадаюць рэкі (Джэргалан, Цзінхэ і Бора-Тала) і прыносяць да 1,7 км³ вады ў год. Узімку замярзае, аднак моцныя ветры з Джунгарскіх варот часам збіваюць лёд. Берагі возера нізкія, пераважна пустынныя. Вада ў возеры горка-салёная, рыба ў ім не водзіцца.

Артыкулу не хапае спасылак на крыніцы. Звесткі мусяць быць правяральнымі або іх могуць выдаліць. Вы можаце адрэдагаваць артыкул, дадаўшы спасылкі на аўтарытэтныя крыніцы. Шаблон пастаўлены 23 чэрвеня 2022 года.