VII чэмпіянат свету па футболе сярод мужчын праходзіў з 30 мая па 17 чэрвеня 1962 года ў Чылі.
Адкрыццё папярэдняга чэмпіянату свету, бразілец Пеле, атрымаў траўму ў другім матчы супраць Чэхаславакіі і выбыў да канца турніру. Але замест яго выдвінуліся іншыя лідары бразільскай зборнай: Гарынча, Амарылду і іншыя. У выніку бразільцы ўпэўнена выйшлі ў фінал, дзе паўторна сустракаліся з Чэхаславакіяй. Нягледзячы на тое, што бразільцы прапусцілі першымі, яны змаглі адквітацца (3:1) і другі раз запар сталі чэмпіёнамі свету.