Чырвона рута — эстрадная песня Уладзіміра Івасюка, напісаная ім у 1970 годзе. Выконвалася ВІА «Смерычка» пад кіраўніцтвам Ляўко Дуткоўскага, а пазней Сафіяй Ратару ў суправаджэнні ВІА «Чырвона рута» пад кіраўніцтвам Анатоля Еўдакіменкі.
«Червона рута» стала адной з самых знакамітых і вядомых украінскіх песень у свеце. Песня прынесла першы поспех не толькі яе першым і выканаўцам, але і самому аўтару, стала лаўрэатам I Усесаюзнага тэлевізійнага фестывалю савецкай песні «Песня-71».
Червона рута — міфічная кветка карпацкіх павер’яў. Вобраз Чырвонай руты часта сустракаецца ў сучасных ўкраінскіх творах мастацтва. Уладзімір Івасюк напісаў песню ў 1970 годзе, натхнёны творчасцю Уладзіміра Гнацюка, які ў 1906 годзе выдаў зборнік каламыек, дзе прысутнічаюць радкі пра чырвоную руту.