Чарвя́гі (Caeciliidae) — сямейства бязногіх земнаводных.
Пашыраны ў тропіках Азіі, Афрыкі, Цэнтральнай і Паўднёвай Амерыкі. Большасць жывуць у вільготнай глебе, некаторыя — у мурашніках, тэрмітніках, вадзе. Найбольш вядомыя чарвяга кольчатая (Siphonops annulatus).
Даўжыня да 120 см. Вонкавым выглядам нагадваюць вялікіх дажджавых чарвей (адсюль назва) ці змей. Цела з кальцавымі перахватамі (каля 400), чорнае з белаватымі баразёнкамі паміж кольцамі або аліўкава-карычневае. Большасць адкладваюць яйцы (да 30) і ахоўваюць іх, зрэдку і лічынак; водныя чарвягі жывародныя. Кормяцца чарвямі і іншымі беспазваночнымі.
Сямейства ўключае каля 100 відаў.
Род Boulengerula
Род Brasilotyphlus
Род Caecilia
Род Dermophis
Род Gegeneophis
Род Geotrypetes
Род Grandisonia
Род Gymnopis
Род Herpele
Род Hypogeophis
Род Idiocranium
Род Indotyphlus
Род Luetkenotyphlus
Род Microcaecilia
Род Mimosiphonops
Род Oscaecilia
Род Parvicaecilia
Род Praslinia
Род Schistometopum
Род Siphonops
Род Sylvacaecilia