Чапала — найбуйнейшае ў Мексіцы прэснаводнае возера.
Знаходзіцца за 45 км на паўднёвы ўсход ад г. Гвадалахара, размешчана на мяжы штатаў Халіска і Мічаакан, на вышыні 1524 м над узроўнем мора. Прыкладныя памеры: 80 км з захаду на ўсход і 18 км з поўначы на поўдзень, плошча каля 1100 км². Сярэдняя глыбіня 4,5 м, максімальная — 10,5 м.
У возера ўпадаюць рэкі Лерма, Рыа-Дуэра, Рыа-Сула і Рыа-Гуарача. З возера выцякае рака Рыа-Грандэ-дэ-Сант’яга, якая ўпадае на паўночным захадзе ў Ціхі акіян. На возеры два невялікіх вострава.
З-за празмернай эксплуатацыі водных рэсурсаў возера і навакольных тэрыторый існуе пагроза ўзроўню вады і якасці вады ў Чапала. З-за падзення ўзроўню вады ў возеры ўтварыліся цэлыя астравы з багавіння.
Возера з’яўляецца месцам пражывання некалькіх відаў пералётных птушак, такіх як ружовы пелікан, а таксама тысяч мясцовых раслін і жывёл.
Артыкулу не хапае спасылак на крыніцы. Звесткі мусяць быць правяральнымі або іх могуць выдаліць. Вы можаце адрэдагаваць артыкул, дадаўшы спасылкі на аўтарытэтныя крыніцы. Шаблон пастаўлены 23 чэрвеня 2022 года. |