Цяце́раўка[2] — рака ў Валожынскім раёне Мінскай вобласці Беларусі, левы прыток ракі Іслач (басейн Нёмана).
Даўжыня ракі 10 км. Плошча вадазбору 26 км². Сярэдні нахіл воднай паверхні 10[2] м/км. Выток ракі знаходзіцца ў напрамку на ўсход ад вёскі Шэлеўшчына, прыкладна за 1 км на паўднёвы ўсход ад вёскі Суднікі. Упадае ў Іслач за 0,8 км на паўночны захад ад вёскі Галімцы. Вадазбор у межах Мінскага ўзвышша.
Каля ракі вёскі Баброўнікі, Галабурды, Галімцы.