Цыкадкі (Cicadellidae) — вялікае сямейства насякомых, якое налічвае каля 20000 відаў. Звычайна каля 1 см у даўжыню (ад 2 да 30 мм)[1].
Паўсюдна насяляюць каля 20 000 апісаных відаў, з іх 3000 насяляюць у Паўночнай Амерыцы[1]. Для СССР паказвалася больш за 270 родаў і 1300 відаў[2].
Маленькія скачучыя насякомыя з адным ці некалькімі радамі зубчыкаў (выступаў) на задняй галёнцы. Яны пафарбаваны ў самыя розныя колеры з рознымі лініямі, кропкамі і плямамі[1].
Смактальныя насякомыя, сілкуюцца расліннай ежай[3].
Прадстаўнікі мірмекафільнай трыбы Pogonoscopini (Eurymelinae) днём жывуць як інквіліны ў гнёздах мурашак, а ўначы кормяцца на раслінах пад аховай тых жа мурашак[4][5].