Хі́пстары — тэрмін, які з’явіўся ў ЗША ў 1940-х гадах[1], утвораны ад жаргоннага «to be hip», што перакладаецца прыблізна як «быць у тэме» (адсюль жа і «хіпі»). Слова гэта першапачаткова азначала прадстаўніка асобай субкультуры, якая сфарміравалася ў асяроддзі прыхільнікаў джазавай музыкі; у наш час звычайна ўжываецца ў сэнсе «забяспечаная гарадская моладзь, якая цікавіцца элітарнай замежнай культурай і мастацтвам, модай, альтэрнатыўнай музыкай і інды-рокам, артхаусным кіно, сучаснай літаратурай і да т.п.».