У Вікіпедыі ёсць артыкулы пра іншых асоб з прозвішчам Гайтан.
Хорхе Эльесер Гайтан (ісп.: Jorge Eliécer Gaitán; 23 студзеня 1898, Багата — 9 красавіка 1948, там жа) — калумбійскі палітычны дзеяч.
З 1924 доктар права Нацыянальнага ўніверсітэта ў Багаце. У 1929 выступіў у кангрэсе парламента з асуджэннем масавых расстрэлаў рабочых на плантацыях «Юнайтэд Фрут компані» у дэпартаменце Магдалена. У 1940 і 1943 міністр асветы і міністр працы, аховы здароўя і сацыяльнага забеспячэння. З 1946 кіраўнік Ліберальнай партыі, з 1947 старшыня сената. Быў аўтарам законапраекта аб нацыяналізацыі нафтавых радовішчаў. Быў забіты. Забойства Гайтана паслужыла штуршком да народнага паўстання ў Багаце.