Хаці́слаўскі сельсавет — адміністрацыйна-тэрытарыяльная адзінка ў складзе Маларыцкага раёна Брэсцкай вобласці. Цэнтр — аграгарадок Хаціслаў.
Утвораны 12 кастрычніка 1940 года ў складзе Маларыцкага раёна Брэсцкай вобласці БССР. З 25 снежня 1962 года па 6 студзеня 1965 года ў Брэсцкім раёне. 17 верасня 2013 года да сельсавета далучана частка скасаванага Маларыцкага сельсавета з вёскамі Замшаны і Талочна[1].
Насельніцтва сельсавета паводле перапісу 2009 года (4 населеныя пункты) — 2196 чалавек[2], з іх 80,7 % — беларусы, 17,0 % — украінцы[3].