У Вікіпедыі ёсць артыкулы пра іншых асоб з прозвішчам Статкевіч. Фёдар Мікалаевіч Статкевіч (23 сакавіка 1907, в. Старасек, Любанскі раён, Мінская вобласць — 9 студзеня 1981) — Герой Сацыялістычнай Працы (1950).
Пасвіў кароў у заможных сялян, хадзіў за плугам, пакуль Статкевічы ў 1930 годзе не ўступілі ў калгас. Фёдар пайшоў на курсы механізатараў і з восені 1931 годзе пачаў працаваць на асушаных тарфяніках.
Трактарыстам ён быў і на вайне, транспарціраваў 52-міліметровую гармату. Удзельнічаў у абароне Масквы, вызваляў Беларусь, Польшчу, цяжкі ваенны шлях адзначаны многімі баявымі ўзнагародамі.
Дэмабілізаваўшыся вярнуўся ў родны саўгас. Гаспадар ка была разбурана, спалена, усё трэба было пачынаць спачатку. У 1949 годзе звяно Ф. М. Статкевіча вырасціла рэкордны ўраджай збожжавых.