Фёдар Апанасавіч Бачыла, або Хведар Бачыла (21 студзеня 1924, в. Бардзілаўка, Мінскі раён — 1992) — удзельнік партызанскага руху на тэрыторыі Мінскай вобласці ў гады Вялікай Айчыннай вайны, кіраўнік дыверсійнай групы, якая падарвала 28 варожых эшалонаў. Заслужаны работнік культуры БССР (1974)[1].
З ліпеня 1941 сувязны Мінскага камуністычнага падполля, партызанскага атрада імя Варашылава, са жніўня 1943 года камандзір дыверсійнай групы партызанскага атрада імя Лазо 3-й мінскай брыгады імя Будзёнага. У 1945—1946 гадах камсорг ЦК ВЛКСМ. Скончыў Рэспубліканскую партыйную школу пры ЦК КП(б)Б (1948). З 1949 года ў рэдакцыі газеты «Чырвоная змена».[1]
Аўтар кнігі «Застаюся жыць» (1981)[1].