Фядо́ска[1] — рака ў Беларусі, у Івацэвіцкім раёне Брэсцкай вобласці, левы прыток ракі Жыгулянка (басейн Дняпра).
Даўжыня ракі 14[1] (15[2]) км. Плошча вадазбору 87 км². Сярэдні нахіл воднай паверхні 1,5 м/км. Выток ракі знаходзіцца каля вёскі Верашкі[2]. Упадае ў Жыгулянку (Жыгулянскі канал[2]) прыкладна за 4 км у напрамку на поўнач ад вёскі Бронная Гара Бярозаўскага раёна. Рэчышча каналізаванае. Вадазбор нізінны.