У Вікіпедыі ёсць артыкулы пра іншых асоб з прозвішчам Хайрулін. Фаіл Усманавіч Хайрулін (16 лютага 1930, Пракоп’еўск, Кемераўская вобласць) — беларускі архітэктар.
Скончыў у 1954 годзе Новасібірскі інжынерна-будаўнічы інстытут. Працаваў у праектных арганізацыях Новакузнецка, Алма-Аты, з 1968 года — галоўны архітэктар праектаў у Гомельграмадзянпраекце.
Член Саюза архітэктараў СССР з 1961 года. Пражываў у Гомелі.
Асноўныя працы: клуб на Ніжне-Астроўскай плошчы ў Новакузнецку (1959), квартал завода станочных вузлоў (1973—1981), комплексы інтэрнатаў па вуліцы Савецкай (1976—1986) і БелНДІЛГа (1983—1986), будынак ДАІ (1982—1984) у Гомелі.