Усерасійская фашысцкая арганізацыя (УФА) — існавала ў 1933—1942 гады ў ЗША пад кіраўніцтвам Анастасія Вансяцкага. Заснавана 10 мая 1933 года ў Томпсане (ЗША, штат Канектыкут). УФА — назва выкарыстоўваная для кароткасці (поўная назва Усерасійская нацыянал-рэвалюцыйная працоўная і працоўна-сялянская партыя фашыстаў). Пасля 1935 атрымала найменне Усерасійская нацыянал-рэвалюцыйная партыя. Партыя, што складалася з белаэмігрантаў, была малалікая, але моцная ў фінансавым дачыненні. У 1933—1941 гг. партыя выдавала штомесячную ілюстраваную газету «Фашист»[2]. З 1935 па 1942 гг. у Шанхаі партыя выдавала газету «Русский авангард»[3].