У Вікіпедыі ёсць артыкулы пра іншых асоб з прозвішчам Латыпаў. Ура́л Рамдра́кавіч Латы́паў (татар.: Ural Ramdraq uğlı Latıypov, Урал Рамдрак улы Латыйпов; 28 лютага 1951 у вёсцы Катаева ў Башкартастане) — беларускі дзяржаўны дзеяч. Прафесар права (1994).
Скончыў юрыдычны факультэт Казанскага ўніверсітэта (1973), Вышэйшыя курсаў КДБ СССР у Мінску (1974). Доктар юрыдычных навук (1993), прафесар (1994).
Працаваў на разных пасадах у КДБ СССР. З 1989 года да 1994 года працаваў у Інстытуце дзяржаўнай бяспекі БССР/Рэспублікі Беларусь. 28 лістапада 1994 года прызначаны быў памочнікам прэзідэнта Рэспублікі Беларусь, 15 ліпеня 1995 — кіраўніком сакратарыяту — першым памочнікам[1]. 4 снежня 1998 года прызначаны быў намеснікам прэм’ер-міністра Рэспублікі Беларусь — Міністрам замежных спраў[2]. 27 лістапада 2000 года быў адстаўлены з гэтай пасады[3] і прызначаны Дзяржаўным сакратаром Савету бяспекі Рэспублікі Беларусь — памочнікам прэзідэнта Рэспублікі Беларусь [4]. З 12 верасня 2001 г. да 29 лістапада 2004 г. быў кіраўніком Адміністрацыі прэзідэнта Рэспублікі Беларусь[5][6]. З 10 студзеня 2000 г. да 27 лютага 2001 г. быў таксама прадстаўніком дзяржавы ў «ААТ Белзнешэканомбанк»[7][8][9].
29 красавіка 2003 года быў абраны прэзідэнтам Беларускай федэрацыі коннага спорту.