wd wp Пошук: ⬜

Ульва салатная

Ульва салатная (Ulva lactuca) — від марскіх зялёных водарасцей.

Апісанне

Слаявіна даволі мяккая, ярка- ці светла-зялёная, з лопасцевым складкаватым краем, часта разарваным. Пласціна шыроколінейнай, ланцэтападобнай або акруглай формы з адтулінамі, да 30 см вышынёй і больш. Подэшва вельмі маленькая, сцябло адсутнічае. Аднагадовая.

Пашырэнне

Расце ў літаралі і сублітаралі ва ўмераных і субтрапічных шыротах па ўсім зямным шары. Сустракаецца на камянях, скалах, ракавінах.

Выкарыстанне

Спажываецца ў ежу. Водарасць багатыя жалезам, марганцам, ёдам, іншымі мікраэлементамі, а таксама вітамінамі В і С, амінакіслотамі.

Слаявіна выкарыстоўваюцца ў свежым выглядзе для прыгатавання салатаў ці ў вараным для супу, часам дадаюць у гарніры да рыбы або мяса. Часта ульву пасля адпаведнай апрацоўкі выкарыстоўваюць як дадатак да цеста пры выпечцы здобных вырабаў, дзякуючы чаму яны працяглы час не чарсцвеюць, набываюць своеасаблівы смак і ўзбагачаюцца вітамінамі. Ульву часта ўжываюць у комплексных праграмах па зніжэнні вагі з мэтай нармалізацыі абмену рэчываў у арганізме чалавека.