wd wp Пошук:
    ⬜

    Уладзіслаў Тышкевіч

    Уладзіслаў Тышкевіч (1644 — студзень 1684) — вялікалітоўскі дзяржаўны дзеяч.

    Біяграфія

    Паходзіў са шляхецкага роду Тышкевічаў герба «Ляліва», сын Антонія Яна Тышкевіча і Крысціны са Швыкоўскіх.

    Удзельнічаў у вайне Рэчы Паспалітай з Асманскай імперыяй 1672—1676 гадоў. Удзелу Уладзіслава Тышкевіча ў бітве пад Хацінам 1673 года прысвечаны верш ксяндза Мацея Ігната Кулігоўскага[2].

    З 3 лютага 1676 па студзень 1684 года займаў пасаду крайчага вялікага літоўскага[2].

    Надмагілле Уладзіслава Тышкевіча ў бернардзінскім касцёле ў Вільні. Ян Булгак, 1919

    Пахаваны ў бернардзінскім касцёле ў Вільні. Яўстафій Тышкевіч згадвае эпітафію, у якой адзначана, што Уладзіслаў Тышкевіч памёр неўзабаве пасля венгерскай выправы. Верагодна, маецца на ўвазе паход Яна ІІІ Сабескага супраць турак у 1683 годзе[2].

    Сям’я

    Жонка Тэадора з Сапегаў

    У 1665 годзе ажаніўся з Марыянай з Тызенгаўзаў, ад якой дзяцей не меў.

    11 ліпеня 1671 года ажаніўся з Тэадорай Аляксандрай з Сапегаў (1639—1678). Ад яе меў дачку Тэрэзу, якая пабралася шлюбам з Крыштафам Станіславам Завішам.

    Зноскі

    1. ↑ (unspecified title) Праверана 3 кастрычніка 2016.
    2. 1 2 3 Г. А. Карпечанка. Удзел прадстаўнікоў роду Тышкевічаў у вайсковых і грамадска-палітычных падзеях Беларусі XV—XIX стст.

    Спасылкі

    Тэмы гэтай старонкі (8):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Нарадзіліся ў 1644 годзе
    Катэгорыя·Пахаваныя ў Вільнюсе
    Катэгорыя·Род Тышкевічаў
    Катэгорыя·Памерлі ў 1684 годзе
    Катэгорыя·Асобы
    Катэгорыя·Крайчыя вялікія літоўскія